2. Integridade Data (Data Integrity)
Definisaun: Integridade data mak garantia katak data nafatin tomak (utuh), konsistente, no akuradu durante ninia siklu moris tomak (hosi tempu ne’ebé hatama/input to’o hamoos tiha). Ida-ne’e foku liu ba aspektu fíziku no lójiku atu data la estraga ka la lakon.
Foku: Keutuhan estrutura no validade téknika.
Ezemplu Kazu:
Ospitál ida rai dadus pasiente nian. Integridade data garante katak númeru ID pasiente nian sei la troka mesak de’it (tanba sala sistema) bainhira muda dadus hosi base de dados (database) tuan ba ida foun.
Komponente Prinsipál:
- Integridade Entidade (Entity Integrity): Kada liña data tenke iha identidade úniku (Primary Key).
- Integridade Referensiál (Referential Integrity): Relasaun entre tabela sira tenke sinkronizadu nafatin (Foreign Key).
- Integridade Domíniu (Domain Integrity): Data ne’ebé hatama tenke tuir formatu (Ezemplu: koluna "Idade" labele prienxe ho letra ka númeru minus).
Integridade Data - Ezemplu Kazu
Atu Ita bele komprende di'ak liután oinsá Integridade no Kualidade Data serbí hamutuk, mai ita haree ezemplu simulasaun kazu lójiku ida husi Alfándega ne'ebé jere dadus importasaun sasán nian. Iha kazu ne'e, sistema Alfándega nian tenke garante katak dadus hotu ne'ebé hatama (input) la lakon ka la sirkula mesak.
- Entity Integrity: Kada dokumentu importasaun iha númeru ID Uniku. Sistema sei la simu se dokumentu rua iha númeru hanesan.
- Referential Integrity: Bainhira importadór ida hatama sasán, sistema tenke liga númeru dokumentu ne'e ho naran kompañia ne'ebé rejista ona. Labele iha dokumentu importasaun husi kompañia ne'ebé la eziste.
- Domain Integrity: Iha koluna "Faze Pagamentu", sistema simu de'it opsun tolu: LULUS, PROSESU, ka PENDING. Se uza-na'in hatama liafuan seluk, sistema sei rejeita automatikamente.