KUALIDADE DATA

1. Kualidade Data (Data Quality)

Definisaun: Kualidade data sei sukat ho, to’o ne’ebé data ne’e merese atu uza (fit for use) ba foti desizaun. Data ida bele iha integridade (estrutura loos), maibé ninia kualidade ladi’ak tanba la relevante ka tuan ona (invalidu).

Foku: Akurasaun, kompletude, no relevánsia ba uza-na’in sira.

Ezemplu Kazu:

Parte marketing ida iha lista email kliente sira-nian. Formatu email hotu loos hela (Integridade OK), maibé 50% email sira-ne’e la ativu ona. Ida-ne’e dehan katak Kualidade Data Inferior tanba labele uza ba kampaña.

Dimensaun 6 Kualidade Data:

  • Akurasaun (Accuracy): Data ne'e hatudu duni realidade ka lae?
  • Kompletude (Completeness): Iha koluna ruma ne'ebé mamuk (null) ka lae?
  • Konsisténsia (Consistency): Data iha departamentu A hanesan ho departamentu B ka lae?
  • Oportunidade (Timeliness): Data ne'e foun nafatin ka tuan ona?
  • Validade (Validity): Data tuir formatu ne'ebé determina ona ka lae?
  • Unikidade (Uniqueness): Iha data ne'ebé duplikadu (dobru) ka lae?

Atu Ita bele komprende di'ak liután oinsá Integridade no Kualidade Data serbí hamutuk, mai ita haree ezemplu simulasaun kazu lójiku ida husi Alfándega ne'ebé jere dadus importasaun sasán nian. Iha kazu ne'e, sistema Alfándega nian tenke garante katak dadus hotu ne'ebé hatama (input) la lakon ka la sirkula mesak.

Ezemplu Kazu: (Valór Operasionál)

Maski integridade loos (dadus la lakon no ligasaun tabela mós loos), maibé Kualidade bele inferior se informasaun ne'e la akuradu.

  • Accuracy (Akurasaun): Dokumentu hatudu katak sasán ne'ebé tama mak "kareta", maibé bainhira haree fali iha laran, sasán reál mak "Simentu". Ne'e katak kualidade data inferior tanba la bazeia ba realidade.
  • Completeness (Kompletude): Dokumentu iha, maibé koluna "País Orijen" mamuk (blank). Ne'e halo Alfándega susar atu kalkula taxa ne'ebé loloos.
  • Timeliness (Oportunidade): Dadus pagamentu hatama tarde semana ida. Maski kompañia selu ona, maibé tanba dadus nee tuan nian (outdated), entaun sasán nafatin iha portu tanba sistema hatudu katak seidauk selu.

Kazu: Sistema Importasaun Sasán iha Alfándega

Iha kontestu Alfándega, dadus ne'ebé iha integridade (loos iha sistema) maibé laiha kualidade (la tuir realidade fíziku) sei hamosu korrupsaun, lakon reseita Estadu, no hamate efisiénsia servisu públiku.

Kontinua ba Pájina Tuirmai